All News Local News Peace

မောင်တောတွင် နယ်ခြားစောင့်ရဲတပ်ဖွဲ့ကားတန်း မိုင်းဆွဲတိုက်ခိုက်ခံရပြီး ဒုရဲမှူးကြီးတစ်ဦး အပါအဝင် ရဲတပ်ဖွဲ့ဝင် ၃ ဦးကျဆုံး၊ ရဲအချို့ ဒဏ်ရာရ

မောင်တောတွင် နယ်ခြားစောင့်ရဲတပ်ဖွဲ့ကားတန်း မိုင်းဆွဲတိုက်ခိုက်ခံရပြီး ဒုရဲမှူးကြီးတစ်ဦး အပါအဝင် ရဲတပ်ဖွဲ့ဝင် ၃ ဦးကျဆုံး၊ ရဲအချို့ ဒဏ်ရာရ

ရန်ကုန်၊ မတ် ၂၅

ရခိုင်ပြည်နယ်၊ မောင်တောမြို့နယ်တွင် နယ်ခြားစောင့်ရဲတပ်ဖွဲ့၏ ကားတန်းကို မတ်လ ၂၄ ရက်နေ့ နံနက်ပိုင်းက မိုင်းဆွဲတိုက်ခိုက်မှု တစ်ရပ်ဖြစ်ပွားခဲ့ပြီး ဒုရဲမှူးကြီးကျော်သူရအပါအဝင် ရဲတပ်ဖွဲ့ဝင် ၃ ဦးကျဆုံးခဲ့ကြောင်း ဒေသခံများနှင့်သက်ဆိုင်ရာထံမှ စုံစမ်းသိရှိရသည်။

မတ်လ ၂၄ ရက်နေ့ နံနက် ၆ နာရီဝန်းကျင်တွင် လိပ်ရကျေးရွာအနီး ကျွန်းပေါက်ပြုစုကျေးရွာ အဝင်တံတားအနီးတွင် မိုင်းခွဲတိုက်ခိုက်ခံရခြင်းဖြစ်ကြောင်း၊ မိုင်းခွဲတိုက်ခိုက်မှုကြောင့် ဒုတိယရဲမှူးကြီးကျော်သူရအပါအဝင် ရဲ ၃ ဦး ကျဆုံးကာ တချို့ ဒဏ်ရာရရှိကြောင်း သိရှိရသည်။

ရခိုင်အမျိုးသားလွှတ်တော်ကိုယ်စားလှယ် ဦးမောင်ကျော်ဇံကမူ မိုင်းခွဲမှုနှင့်ပတ်သက်ပြီး သတင်းများ ကြားရသော်လည်း အသေးစိတ်မသိရှိကြောင်း ရန်ကုန်ခေတ်သစ်သတင်းဌာနသို့ ပြောဆိုသည်။

ရခိုင်ပြည်နယ်ရဲတပ်ဖွဲ့မှ ရဲအရာရှိတစ်ဦးကမူ ဒုရဲမှူးကြီးကျော်သူရ အပါအဝင် ရဲ ၃ ဦး ကျဆုံးသည်ဆိုသော သတင်းကို အတည်ပြုသော်လည်း အသေးစိတ်အချက်အလက်များကို ထုတ်ဖော်ပြောဆိုခြင်းမပြုပေ။

အဆိုပါမိုင်းခွဲတိုက်ခိုက်မှုအတွက် မည်သည့်လက်နက်ကိုင်အဖွဲ့အစည်းကမှ ၎င်းတို့၏ လက်ချက်ဖြစ်ကြောင်း တာဝန်ခံ ထုတ်ဖော်ကြေညာခြင်းမရှိသေးပေ။

ဓာတ်ပုံ- ဒုရဲမှူးကြီးကျော်သူရ။ Photo Credit- ဒုရဲမှူးကြီးကျော်သူရ၏ မိတ်ဆွေတစ်ဦးဖေ့စ်ဘုတ်စ်

သင့်ရဲ့ထင်မြင်ချက်ကို မှတ်ချက်ပေးလိုက်ပါ

Related Posts